Монголын Уран Зургийн Галерей

БНХАУ-ЫН ҮНДЭСНИЙ УРЛАГИЙН МУЗЕЙД ЗОЧИЛЛОО

gallery — Wed, 01 Sep 2010 15:19:22 +0000

Монголын Уран Зургийн Галерейн захирал А.Чадраабалын энэ удаагын гадаад томилолт БНХАУлсын Үндэсний Урлагийн музейн дэд захирал, профессор МА ШУЛИН –тай уулзаж хоёр орны музейн цаашдын хамтран ажиллах ажлын талаар ярилцсан байна. БНХАУлсын Үндэсний Урлагийн музейн сан хөмрөг нь 10000 гаруй дахин давтагдашгүй шилдэг уран бүтээлүүдээс бүрдсэн бөгөөд тус улсын хамгийн том нэр хүндтэй дүрслэх урлагийн музей юм.

Тус музей нь энэ оны 09 дүгээр сарын 24-29 ний хооронд НАНЖИН хотод Азийн Урлагийн Музейн захиралуудын чуулга уулзалтыг зохион байгуулахаар бэлтгэж байгаа бөгөөд манай улсаас Монголын Уран Зургийн Галерейн захирал А.Чадраабал оролцох юм байна.Чуулга уулзалтаар азийн музейнүүдийн хөгжил дэвшил, хэтийн зорилго, маркетинг менежментийн талаар орон орны музейн захиралууд санал бодлоо солилцох юм.

Мөн Монголын Уран Зургийн Галерей нь энэ 09 дүгээр сарын 15-аас 11 сарын 21-ийг хооронд Монгол Улсын Ерөнхий сайд С.Батболдын ивээл дор “Азийн орчин үеийн урлагийн 25 дахь удаагийн олон улсын үзэсгэлэнг” Улаанбаатар хотноо зохион байгуулахаар бэлгэж байна.Азийн 12 орны 150 гаруй мэргэжлийн уран бүтээлчдийн хамтарсан үзэсгэлэн нь манай улсад анх удаа болж байгаагаараа онцлог чухал ач холбогдолтой юм байна.

“Азийн хөх тэнгэр” Азийн Урлагийн 25 дахь удаагийн Олон Улсын Үзэсгэлэн нээлтээ хийнэ

gallery — Wed, 25 Aug 2010 20:26:49 +0000

Азийн орчин үеийн урлагийн 25 дахь удаагийн олон улсын үзэсгэлэн Монгол улсын нийслэл Улаанбаатар хотноо анх удаа зохион байгуулагдаж байна. Зураач, уран бүтээлчид бид дэлхий нийтэд байгаль экологийн тэнцвэрт байдал алдагдаж буй гашуун үйл явдлыг дүрслэх урлагт мөнхжүүлэн үлдээж олон нийтэд сурталчилан таниулах, хайрлан хамгаалах сэтгэлийг бадраах зорилготой билээ. Энэхүү үзэсгэлэнд Азийн арван хоёр орны 140 гаруй мэргэжлийн зураач, уран бүтээлчид оролцож авъас билгээ уралдуулаж 2 сар гаруй хугацаанд Монголын ард түмэн үзэгч олны хүртээл болж нүд баясган, сэтгэл бадраана гэдэгт итгэлтэй байна.

Монголын талаас алдартай төрийн шагналт, ардын зураач нараас эхлээд шинэ залуу авъяаслаг 40 уран бүтээлчид оролцож байгаа нь бахархууштай мэдээ юм.

Цаашид Уран Зургийн Галерей гадаад дотоодын нэр хүндтэй томоохон үзэсгэлэнгүүдэд амжилттай оролцож Монголынхоо дүрслэх урлагийн ирээдүйн хөгжилд зохих хувь нэмрээ оруулахын төлөө чармайн хичээх болно.

25 дахь удаагийн үзэсгэлэнг зохион байгуулахад дэмжлэг туслалцаа үзүүлж, ивээн тэтгэсэн төр засгийн дээд байгууллага, бизнесийн түнш компаниуд, мэргэжил нэгт гадаад дотоодын зураач уран бүтээлчид, галерейн хамт олон, хамтран зохион байгуулсан сэтгэл нэгт ахан дүүс, найз нөхөд та бүхэнд чин сэтгэлээсээ талархал илэрхийлж байна.

Та бүхний халуун сэтгэл зүтгэлээр Монголын хөх тэнгэрийн дор азийн авъяасын үүд нээгдлээ…

ТАСАЛБАР: ТОМ ХҮН 3000 Төг

ХҮҮХЭД: 1000 Төг

Үзэсгэлэнгийн нээлт: 2010 оны 9-р сарын 15-ны өдрийн 18 цагт /Урилга, мандат бүхий зочид, хэвлэл мэдээллийнхэн орно/

Монголын Уран Зургийн Галерейд болно.
Та бүхэн энэхүү үзэсгэлэнг таалан соёрхоно уу.

“Сүүлийн үеийн зургууд” үзэсгэлэн Хаан банк Арт галерейд гарлаа

gallery — Thu, 05 Aug 2010 18:05:25 +0000

ХААН Банкны Арт галерейд нэгэн шинэ үзэсгэлэн нээлтээ хийж олны хүртээл боллоо. Энэхүү хамтарсан уран бүтээлийн үзэсгэлэнг зураач С.Долгор болон ХБНГУ-ын зураач Марк Шмитц нарын хамтаран гаргаж байгаа юм.
Зураач С.Долгор нь 1973 онд Улаанбаатар хотод төрсөн бөгөөд Улаанбаатар хотын Урлагийн Академд уламжлалт зургийг судалсан байна. 2008 онд С.Долгор Германы Берлин үрүү нүүсэн бөгөөд дэлхийн олон улсад болсон арга хэмжээнд өөрийн бүтээлийг дэлгэн тавиж байжээ.
Харин Германы уран бүтээлч Марк Шмитцын хувьд Орчин үеийн урлагт өндөр зэрэглэл тогтоож олон улсад танигдсан зураач бөгөөд 1963 онд Хамбүргт төрсөн байна.0
Уламжлалт зургийн хэв маягаар зурсан бүтээлдээ С.Долгор уламжлалт гэр дэхь Монгол амьдрал болон хотжсон гэр хорооллын дунд гарсан өөрчлөлтийг өөрийн өнцгөөс тайлбарласан байна. Түүний харуулах гэсэн агшин нь байгаль болон өөрийнхөө бүх мөн чанарыг бүрэн мэдэрч, тэдгээрийн хоорондын холбоог ойлгосны үндсэн дээр гарсан гэж тэрээр тайлбарласан байна. С.Долгор өөрийн өмнөх бүтээлүүдээрээ, Улаанбаатар дахь гэр хорооллын амьдралыг харуулж байжээ. Улаанбаатар хотод төрж, гэр хороололд хүүхэд ахуй насаа өнгөрөөсөн түүний хувьд гэр хорооллын нийтэч, хамтдаа гэсэн сэтгэлгээний талаар үлдсэн сайхан дурсамж дүүрэн байдаг. Хот өргөжин тэлж, гэр хорооллын хагас нүүдлийн байдалтай сэтгэлгээ ч мөн өөрчлөгдөж байна.
Марк Шмитцын бүтээлүүд нь орон зайг туулж өнгөрүүлсэн туршлагын мөн чанар гэсэн утгаар нь үзүүлж, олон өнгийн давхаргуудыг ашиглан, цаг хугацааг бүтээлдээ харуулсан байна. Уран бүтээлч маань зотон даавуун дээр уран гоё дүрсүүдийг үүсгэн өнгө өөрөө урган гарч ирэх зөнгөөрөө гарах хэв маягийг илүү сонирхдог аж. Түүний уран зургаас гадна, түүний баримлууд нь орон зайн мэдрэмжийг агуулдаг юм. Тэрээр 2005 онд Монголд анх ирсэн бөгөөд түүнээс хойш хэд хэдэн удаа Монголын урлаг сонирхогчдод өөрийн бүтээлийг толилуулсан байна.

Орон зайг судалж үздэгийнхээ хувьд, уран бүтээлчид маань Монголын газар нутгийг төвөө болгох гол хүчин зүйл дээр нэгдэж байгаа юм. Орон зай гэдэг бол австракт, реалист уран зураг гэхээсээ илүүтэйгээр орон зайн үндсэн бүтцийг мэдэрч ертөнцийг харах арга зам юм. Өөр өөр хэм маягийг хооронд нь нийцүүлнэ гэдэг нь камерт өөр өөр дуранг хийхтэй адил юм.
ХААН Банкны Галлерейд тавигдаж буй тус үзэсгэлэн нь хоёр өөр орчин үеийн уран бүтээлчийн тэс ондоо бүтээлүүд хэрхэн хоорондоо хамтарч, соёл хоорондоо уусаж болохыг харуулсан сонирхолтой, урлагийн тэс ондоо хэв маягийг харуулсангаараа онцлогтой бөгөөд ХААН Банкны Арт Галерейд 8-р сарын 4-өөс 8-р сарын 25-н хүртэл үргэлжиллээ.

“УЗБЕКИЙН ГЭРЭЛ ЗУРАГ 125 ЖИЛД” ҮЗЭСГЭЛЭН

gallery — Mon, 02 Aug 2010 16:45:41 +0000

Узбек улс нь үндэсний соёл урлагийн өв уламжлалаа хадгалахын зэрэгцээ гэрэл зургийн төрлийг эртнээс хөгжүүлж ирсэн бөгөөд энэхүү үзэсгэлэнгээр Узбекийн ард түмний туулж ирсэн түүхэн замнал, соёл, зан заншил, орон нутгийн байгалийн үзэмж, орчин үеийн хөгжил цэцэглэлтийг гурван цаг үеийн байдлаар дэлгэн харуулсан ажээ.

Тухайлбал эхний хэсэгт ХIX зууны далаад оны сүүлч үед хамрагдах гэрэл зургууд нь тухайн цаг үед төв Азид Туркестан хэмээгдэж байсан Узбек улсад анх фото зураг дэлгэрч алс хязгаар энэ бүс нутгийн хүн ардын амьдралын хэв маяг, байгалийн өвөрмөц тогтоц эд бүгд өрнөд Европынхонд хачирхалтай санагдаж, олон тооны гэрэл зургууд хальснаа бууж өдгөө үлджээ. Чухамдаа энэ цаг үед амьдарч байсан Худайберген Диванов хэмээх уран сайхны гэрэл зураг сонирхон авч цуглуулдаг чинээлэг узбек эр тухайн үеийн Хорезмийн аж амьдралыг дэлгэн харуулсан олон тооны фото зургийг өнөө үед үлдээж чадсан нь энэ үзэсгэлэнд дэлгэгдэж буй ажээ.

Хоёрдугаар хэсэгт Дэлхий даяар асар их өөрчлөлт авчирсан ХХ зууны дунд үе гэхэд Узбекд гэрэл зураг ихэд түгэн дэлгэрч, дэлхийн II дайны үеийн хүнд бэрх жилүүдэд дайны хөлд үрэгдэн дайжиж ирсэн Оросын ард түмэнд хэрхэн тусалж байсан болон хуучин цагийн социализмийн үзэл суртал доор нийгмийн захиалгаар бүтээгдэж байсан гэрэл зургууд, түүнчлэн уран сайхны судалбар зургууд тавигдсан байна.

Үзэсгэлэнгийн гуравдугаар хэсэгт тусгаар тогтнолоо олж авснаар Узбекстан улс хөгжил дэвшилийн шинэ үе шатанд гарч хөгжиж буй өнөөгийн байдлыг дэлгэн харуулсан байна. Энэ хэсгээс та бүхэн өөрийн үндэстнийхээ өв соёлоо хадгалан үлдсэн Узбекийн ард түмэн түүхэн хувьсал өөрчлөлтийн цаг үеүүдийг даван туулж өнөөдрийн хөгжлийн манлайд хэрхэн хүрсэнийг шимтэн үзэх болно.

Энэхүү үзэсгэлэнг нээж Гадаад Харилцааны Яамны хөрш орнуудын газрын захирал О.Энхтөр, Узбекийн Гэрэл Зургийн Ордны захирал Жахан Изентаев, Монгол Узбекийн Найрамдлын Нийгэмлэгийн гүйцэтгэх захирал Ц.Шижир, дэд захирал Н.Максим, МУЗГалерейн захирал А.Чадраабал нар нээж үг хэллээ.

Үзэсгэлэн 8-р сарын 3-наас 7-ныг дуустал үргэлжилнэ.

Та бүхэн энэхүү үзэсгэлэнг таалан соёрхоно уу

Монголын Уран Зургийн Галерей

ҮЗЭСГЭЛЭНГИЙН ХУВААРЬ

gallery — Mon, 02 Aug 2010 02:00:18 +0000

Та Монголын Уран Зургийн Галерейд шинээр нээгдэх үзэсгэлэнгийн талаар мэдээллийг эндээс харж болно.
Үзэсгэлэнгийн хуваарь:

Огноо:	Үзэсгэлэнгийн нэр:	Гэрэл зураг:	Байршил:
9,15- 11,21 хүртэл	“Азийн хөх тэнгэр” Азийн 25 дахь удаагийн Олон Улсын Урлагийн үзэсгэлэн		Галерейн бүх талбайд

Монголын Уран Зургийн Галерей нь 2010 оны үзэсгэлэнгийн захиалга авч байна

Үзэсгэлэнгийн заалны бүдүүвч зургийг дор оруулав.

3 давхар урд заал:

Үзэсгэлэнгийн заалны талаарх мэдээллийг доорх утсаар Менежертэй холбогдож лавлана уу.
Утас: 11-327177
Утас: 88000623

Өвөрмонголын нэрт зураач Үүрцайхын “Бөртэ Чоно, Гуа Марал” үзэсгэлэн

gallery — Fri, 23 Jul 2010 22:37:04 +0000

2010 оны 7-р сарын 26-ны 16 цагаас “Бөртэ Чоно, Гуа Марал” сэдэвт бар зургийн Олон Улсын Үзэсгэлэнгийн Аян нээгдлээ.

1969-04-р сард Өвөрмонголын жирэм аймгийн найман хошууны шар хоолой сумны ардын авъяастан Машбаярын 2-р хөвгүүн болж төржээ.

1990 онд Өвөрмонголын Багшийн Их Сургуулийн уран зургийн сургуульд элсэн орж 1994 онд амжилттай төгсөж сургуульдаа үлдэн багшилж байна.

Одоогоор Өвөрмонголын багшийн их сургуулийн баримал урлагийн хүрээлэнд дэд профессор. Дэд захирал , БНХАУ-ын уран зургийн дээд сургуулийн докторантад сурж байна.
БНХАУ-ын уран зургийн нийгэмлэгийн гишүүн, Хятадын залуучуудын холбооны гишүүн, Өвөрмонголын залуучуудын холбооны байнгын гишүүн зэрэг албан тушаалыг хариуцаж байна.
Үүрцайх нь сүүлийн 10 жилийн турш Монгол Үндэстний шүтээн болсон “Бөртэ Чоно Гуа Марал” тусгай сэдэвлэсэн бар зураг, хятад зураг, шуумал баримал зэрэг олон төрлийн бүтээл туурвиж үндэстний амин сүнс, хувь заяаг орчин үеийн байдалтай тусгаж олон түмэнд танигдсан юм.

2001 оноос эхлэн “Бөртэ Чоно Гуа Марал” сэдэвт бие даасан зургийн үзэсгэлэнг Хятадын Уран Зургийн Галарей, Өвөрмонголын Уран Зургийн Галарей, Герман, Рүмын, Малайз, Япон улс зэрэг олон оронд хэдэн 10 удаа гаргаж, мөн Дэлхийн 30 гаруй улс оронд урлаг, соёлын солилцоо хийж, Монгол Үндэстний Соёл урлагийг сурталчилан таниулж явсаар иржээ.
Тэрээр 2003 онд “Бөртэ Чоно Гуа Марал” зургаар БНХАУ-ын төрийн хамгийн өндөр шагнал болох “Алтан өнгө” шагналыг хүртсэн. Мөн 2006 онд Өвөрмонголын нэрт залуучуудын шагнал, 2007 онд Хятадын 10 нэрт цөөхөн тоот үндэстний гавьяат залуучуудаар сонгогдож, 2008 онд Хятадын шилдэг цол зэргээр шагнагджээ.
Энэхүү үзэсгэлэнд “Бөртэ Чоно Гуа Марал, Онгон торой”, “Бөртэ Чоно Амь нас Арвин Дөл” зэрэг 2010 онд шинээр бүтээсэн бүтээл тавигдаж байгаа ба уран бүтээлчийн Монгол дахь анхны үзэсгэлэн Монголын Уран Зургийн Галерейд зохион байгуулагдаж байна.

Үүрцайхийн “Бөртэ Чоно Гуа Марал” сэдэвт зураг нь дүрслэх урлагт өөрийн гэсэн өвөрмөц байр суурийг хэдийнэ олж, бусдаас ялгарах өвөрмөц өнгө аяс бүхий авъяас чадварын охь болж чаджээ.

Үүрцайх нь уран бүтээлд тэнгэрийн нарны барааг олж харалгүй, харанхуйн элсэн шуурга дундуур цөхрөн мохордож гүйлдсэн сүрэг чоно, гандаж хуучирсан тооройн сүйдэрт гаслан орилох “Бөртэ Чоно”-ийг илэрхийлэн, энэ бүхнийг хүмүүсийн хөх тэнгэрт хөнгөн цагаан үүл нүүсэн хөдөө талын тэнгэрлэг зүүднээс цочоон сэрээж байна. Энэ нь түүний бүтээлийг олон түмэнд цог золбоотойгоор харуулах ажээ.

Үүрцайх нь чоноор сэдэв болгон ёгтол хүмүүнчлэл уран найраглалаар бар зургаа амилуулж мэргэшсэн. Тэрээр өөрийгөө дайчлан, байнга урагш тэмүүлж, гайхалтай бүтээлийг туурвисаар байна.

8 Сарын 3-ныг дуустал үзэсгэлэнг үзэж сонирхох боломжтой.

ГАР УТСАНДАА ЗУРАГ ТАТАХ БОЛОМЖТОЙ БОЛЛОО

gallery — Thu, 22 Jul 2010 18:11:34 +0000

Монголын Уран Зургийн Галерей, Мобиком Корпарацийн Монгол контент компанитай хамтран олон нийт, хүүхэд залуучуудад дүрслэх урлагаар дамжуулан гоо зүйн болон урлагийн боловсрол олгох зорилгоор галерейн сан хөмрөгт хадгалагдаж байгаа үе үеийн уран бүтээлчдийн үнэт ховор шилдэг уран зургуудыг гар утсандаа татаж авах үйлчилгээг хэрэглэгчиддээ хүргэж эхэллээ. Хэрвээ таны татаж авахыг хүссэн уран зураг уг контентед багтаагүй бол munkhbayasgalan@art-gallery.mn цахим шууданд санал хүсэлтээ илгээх боломжтой юм.
Мөн та цахим хуудаснаас контентед багтсан уран зургуудыг харахыг хүсвэл www.mobile.gogo.mn хаягаар орох бөгөөд Монголын Дүрслэх Урлагийн талаар илүү их мэдээлэл авахыг хүсвэл www.art-gallery.mn цахим хуудсаар зочилоорой.

УРАН БҮТЭЭЛЧ ТА БҮХНИЙГ “ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2010 ХӨТӨЛБӨРТ УРЬЖ БАЙНА!

gallery — Thu, 22 Jul 2010 16:21:19 +0000

Mонголын Урлагийн Зөвлөл (МУЗ), Солонгосын Урлагийн Зөвлөл хамтран “ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2010 хөтөлбөрийг зарлаж байна.

Хөтөлбөр хэрэгжих газар, хугацаа:

Өмнөговь аймаг, Улаанбаатар хот, 2010 оны 9-р сарын 8-18

Хөтөлбөрийн үндсэн зорилго:

6 Монгол, 6 Солонгосын уран бүтээлчид хамтран Өмнөговь аймгаар хамтран аялж, уран бүтээлээ туурвин, бие биенээсээ суралцан, бүтээлээрээ хамтран үзэсгэлэн гаргаж, урлагийн нийгэм болон орон нутгийн хөгжилд оруулах хувь нэмрийг нэмэгдүүлэхэд “ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2010 хөтөлбөрийн зорилго оршино.

Урлагийн төрөл: дүрслэх урлаг, орчин үеийн урлаг- инстоляци, дизайн, фото зураг, уран зохиол

Сонгон шалгаруулах шалгуур:

25-40 насны дадлага туршлагатай, чадварлаг мэргэжлийн уран бүтээлч байх
Багаар ажиллах чадвартай байх
Англи хэлний анхан шатны мэдлэгтэй байх

Сонгон шалгаруулалт:

Сонгон шалгаруулалтыг Солонгосын Урлагийн Зөвлөл, МУЗ-ийн Уран Бүтээлчдийг Дэмжих ба Хөтөлбөрийн Хороо, Удирдах Зөвлөлийн гишүүд, ажилчдаас бүрдсэн Сонгон Шалгаруулах Хороо гүйцэтгэнэ. Эцсийн дүнг 2010 оны 8-р сарын 27-нд зарлана.

Монгол уран бүтээлчдийн энэхүү хөтөлбөрт оролцох зардлыг МУЗ хариуцана.

Бүрдүүлэх материал:

Өргөдлийн маягт болон хөтөлбөрийн тухай дэлгэрэнгүй мэдээллийг доорх хаягаар авна уу.
Өргөдлийг холбогдох материалын хамт 2009 оны 7 сарын 31-ний дотор Монголын Урлагийн Зөвлөлд ирүүлнэ үү.

Хаяг : Монголын Урлагийн Зөвлөл (МУЗ)

Дельта төв /Урт цагааны зүүн урд талд/

402 тоот Жуулчны гудамж, Чингэлтэй дүүрэг

Утас/Факс : 976-11-319015, 319017

И-мэйл : fundraising@artscouncil.mn

Вэб хуудас : www.artscouncil.mn

Уран зургийн хичээлдээ хамрагдлаа

gallery — Wed, 21 Jul 2010 14:31:22 +0000

Чөлөөт цагаа зөв боловсон өнгөрөөж, сурч мэдэх их хүсэлдээ хөтлөгдөн, өөрийгөө дайчлан авъяас чадвараа улам илүү дээшлүүлсээр байгаа сурагчид маань урамшиж, өдрөөс өдөрт сайжирсаар байна. Тэд өнөөдөр уран зургийн хичээлдээ хамрагдлаа. Ингээд тэдний зурсан зургуудтай танилцья.

САЛХИ ҮЗЭСГЭЛЭН

gallery — Mon, 19 Jul 2010 20:17:45 +0000

Соёл урлагийг дэмжигч ХААН Банкны төв байранд байрлах Арт Галерей 2007 оны 12-р сарын 18-нд нээлтээ хийснээс хойш өөр өөр хэв маяг, урсгал чиглэлийн уран бүтээлүүдийг харуулсан 40 гаруй үзэсгэлэнг зохион байгуулж олны хүртээл болгохын сацуу залуу уран бүтээлчдийг илүүдтэй дэмжиж ажилласаар иржээ.

Өнөөдөр тус галерейд зураач Д.Ганболд, Ц.Баттулга, балет мастер Б. Жаргал нарын Салхи нэртэй нэгэн содон өвөрмөц үзэсгэлэн нээлтээ хийж олны хүртээл боллоо. Орчин үеийн уран зургийг өнгөний шийдлээр харуулсан энэхүү үзэсгэлэнд нийт 50 гаруй уран бүтээл тавигджээ. Мөн энэ үзэсгэлэнгийн хамгийн чухал хэсэг нь хөдөлгөөнт пэрформанс урлагийг мэргэжлийн уран бүтээлч балет мастер Б. Жаргал толилуулах хэсэг юм.

Ингэснээр уран зураг болон урлагийн бусад төрлүүдийн хоорондын шүтэлцээ, нарийн холбоосыг харуулж байгаа нь монголын урлагийн ертөнцөд шинэ содон зүйл бөгөөд энэ ч урлаг судлаачид болон сонирхогчдын таашаалд бүрэн нийцсэн шийдэл болж чаджээ.

Үзэсгэлэнгийн эзэд болох Д.Ганболд, Ц.Баттулга нар нь бие даасан болоод хамтарсан олон тооны үзэсгэлэн гаргаж олны хүртээл болгож байсан бөгөөд энэ удаагийн үзэсгэлэн нь тус хоёр зураачийн анхны хамтарсан үзэсгэлэн нь юм байна.

Орчин үеийн уран зургийг хөдөлгөөнт урлагтай хослуулсан энэхүү сонирхолтой үзэсгэлэн 6-р сарын 28-аас 7-р сарын 15-ныг хүртэл үргэлжиллээ.