Монголын Уран Зургийн Галерей

“Шинэ цас 2011″ үзэсгэлэн 01,23-нд нээгдэнэ

gallery — Wed, 18 Jan 2012 08:38:11 +0000

Таны амар амгаланг айлтгая.

Монгол түмний бүтээсэн их өв соёлын нэг үндэсний Монгол бичиг мөн бөгөөд мянган жилийн түүх шаглахдаа уран, сайхан, гүйлгэн таталган гээд бичилгийн олон төрөл маяг бүхий бүхэл бүтэн урлаг болон цогцолжээ.
Уран бичлэг буюу Calligraphy нь дорно дахины ард түмний дотоод сэтгэлгээний урлаг болж, тухайн улс түмнийхээ ахуй соёл, ёс заншил, яруу найраг сэлттэй нягт уялдаатай хөгжсөн түүхтэй.
Энэхүү бичгийн урлаг дэлхий дахинаа хурдацтай хөгжиж байгаа нь ч үзэсгэлэнгийн маань зорилгыг тодорхой болгож буй юм.
Манай “Шинэ цас” үзэсгэлэн нь уламжлал болон жил бүр зохион байгуулагдаж шинэ залуу шилдэг Calligraphy-чидийг жил бүр эгнээндээ нэгтгэснээр өдгөө 6 дахь жилийнхээ ойтой золгож байна.
Үзэсгэлэнгийн зорилго:
Монгол уран бичлэг (Calligraphy) үндэсний өвийг сэргээн хөгжүүлэх, сурталчилан таниулах, зохистой хэрэглээ бий болгох, шинэ залуу уран бүтээлч суралцагчдыг хөхүүлэн дэмжихэд оршино.
Үзэсгэлэнгийн тов:
Үзэсгэлэн 2012.01.23-аас нээж 2012.01.29-нийг дуустал 7 хоногийн турш “Монголын Уран Зургийн Галерей”-д дэлгэгдэнэ.

ШИНЭ ЦАС-2012

gallery — Wed, 18 Jan 2012 07:11:26 +0000

Үзэсгэлэнгийн зорилго:

Монгол уран бичлэг (calligraphy) үндэсний өвийг сэргээн хөгжүүлэх, сурталчилан таниулах, зохистой хэрэглээ бий болгох, шинэ залуу уран бүтээлч суралцагчдыг хөхүүлэн дэмжихэд оршино.

Үзэсгэлэнгийн тов:

Үзэсгэлэн 2012.01.23-аас 2012.01.30-ыг хүртэл “Монголын Үндэсний Уран зургийн галерей”-д дэлгэгдэнэ

Зохион байгуулагч:

Монголын Орчин Үеийн Каллиграфчидын Холбоо

1 сарын үзэсгэлэнгийн хуваарь

gallery — Fri, 13 Jan 2012 02:14:31 +0000

Та Монголын Уран Зургийн Галерейд шинээр нээгдэх үзэсгэлэнгийн талаар мэдээллийг эндээс харж болно.
Үзэсгэлэнгийн хуваарь:

Огноо:	Үзэсгэлэнгийн нэр:	Зохион байгуулагч:	Байршил:
01,23-01,28	“Шинэ цас-2012″ үзэсгэлэн	МУЗГ, Монголын орчин үеийн каллиграфичдын холбоо	3 давхар гол заал

Үзэсгэлэнгийн талаар асууж лавлах:

Утас: 11-327177
Утас:976-88000623

БУЙ ГАЛ

gallery — Fri, 16 Dec 2011 07:41:10 +0000

УРИЛГА

Өвөг дээдсээс өвлөгдөн ирсэн байгаль дэлхий, газар шороо маань сүүлийн жилүүдэд өөрчлөгдөн доройтож, гол горхийн тоо цөөрсөөр байгаа нь хүн болоод амьд бүхэнд айдас төрүүлмээр….

Иймээс залуу уран бүтээлчид бид “БУЙ ГАЛ” үзэсгэлэнд байгаль дэлхийгээ гэсэн сэтгэлээр нэгдэж , энэхүү сэдэв хэрхэн хурцдаж буйг мөн байгаль эх дэлхийнхээ хайр хишгийг хэрхэн зөв зохистой хүртэх талаар олон нийттэй хуваалцах юм.

Та энэхүү үзэсгэлэнд хүрэлцэн ирснээр байгалиа хамгаалъя гэсэн үгийн үнэ цэнийг бодитоор мэдэрч, 13 уран бүтээлчийн 13 өөр ертөнцийг харах боломжтой.
Үзэсгэлэн Монголын Уран Зургийн Галерейд 2011.12.19-ны 16 цагаас нээгдэнэ.

2011 оны шилдэг бүтээлүүд

gallery — Thu, 15 Dec 2011 08:40:20 +0000

Дүрслэх урлагийн шилдэг бүтээлийг улсын сан хөмрөгт худалдан авдаг “ОНЫ ШИЛДЭГ БҮТЭЭЛ-2011” үзэсгэлэн Монголын Уран Зургийн Галерейд 2011 оны 11 дүгээр сарын 30-аас 12 дугаар сарын 07-ыг дуустал үргэлжилсэн. Энэхүү үзэсгэлэнд 111 уран бүтээлчийн 155 ширхэг бүтээл оролцсоноос 14 уран бүтээлчийн 14 бүтээл шалгарлаа.

1 Лувсандоржын БАВУУДОРЖ-ЭР БОР ХАРЦАГА
2 Батаахүүгийн ГАНБААТАР – АРВАН НАЙМАН НАС
3 Оршихын ДАРАМБАЗАР – ТЭНГЭР МЭДНЭ /ГУРВАЛ/
4 Даваагийн ДОРЖГОТОВ – ЦОНХ /ГУРВАЛ/
5 ЭнхбатынЛХАГВАДОРЖ – НЭРГҮЙДЭЛ
6 Самбуугийн МАШБАТ – УЛААН БҮЖИГ
7 Банзрагчын ОРХОНТУУЛ – АМЬ
8 Аюурзанын ОЧИРБОЛД – УЛААН ХУЙ
9 Загдын ӨСӨХБАЯР – АЯЛГУУ
10 Дарьсүрэнгийн САНЧИР – ХУУЧИН ҮГС
11 Цэгмидийн ТАМИР – ТЭНГЭРЭЭС СОЁРХСОН БОСОО БИЧИГ МИНУ…
12 Жанлавын ЦОЛМОНХҮҮ – НҮҮДЭЛЧИН
13 Адъяабазарын ЧАДРААБАЛ – ХАР БУХЫН БАЛГАСЫН ОЛДВОР БИЧМЭЛ
14 Очирбатын ЭНХТАЙВАН – ХҮН

“Монгол Улсын гадаад харилцаа 1911-2011″

gallery — Wed, 14 Dec 2011 09:43:51 +0000

УРИЛГА

Эрхэм хүндэт Таныг

Монгол Улсын орчин үеийн дипломат албаны 100 жилийн ойд зориулсан “Монгол Улсын гадаад харилцаа 1911-2011” гэрэл зургийн үзэсгэлэнгийн нээлтэд хүрэлцэн ирэхийг урьж байна.

Үзэсгэлэнгийн нээлт 2011 оны 12 дугаар сарын 19-ний Даваа гарагийн 12.00 цагт Уран зургийн галерейд болно.

Гадаад харилцааны яам

Энэ оны шилдэг бүтээлийн үзэсгэлэн

gallery — Tue, 29 Nov 2011 03:11:18 +0000

2011 оны шилдэг бүтээл шалгаруулах үзэсгэлэн энэ оны 11 сарын 30-ны 17 цагт нээлтээ хийлээ.

Монголын Уран Зургийн Галерейн 20 жилийн ойн нэрэмжит дүрслэх урлагийн шилдэг бүтээлийг улсын сан хөмрөгт худалдан авах үзэсгэлэнг зохион байгуулах гэж байна.Оны шилдэг бүтээл шалгаруулах үзэсгэлэн 2011 оны 11-р сарын 30-наас 12-р сарын 07 хүртэл тус Галерейн үзэсгэлэнгийн танхимд зохион байгуулагдлаа.

Үзэсгэлэнд оролцох бүтээлүүдийг 2011 оны 11 сарын 24, 25-ний өдрүүдэд бүртгэж авсан ба нийт 120-оод уран бүтээлчийн 150 гаруй уран бүтээл хүрэлцэн ирсэн байна.

Үзэсгэлэнд үе үеийн уран бүтээлчид шилдэг гэсэн 1-ээс 2 бүтээл оролцуулж байгаа ба та үзэсгэлэнгээс орчин үеийн уран зураг, уран баримал, уран сийлбэр, зураасан зураг, монгол зураг, монгол уран бичлэгийн шилдэг бүтээлийг үзэх боломжтой.

Утас: 11-331687, 11-327177

“БУХ БА БУХНУУД” бие даасан үзэсгэлэн

gallery — Mon, 28 Nov 2011 05:31:26 +0000

Хүннү гүрний 2220, Их монгол улс байгуулагдсаны 805, Үндэсний эрх чөлөөний 100, Ардын хувьсгалын 90 жилийн ойд зориулсан МУЗГалерейн захирал, МУЭ-ийн шагналт зураач А.Чадраабалын “БУХ ба БУХДУУД” бие даасан үзэсгэлэн 2011 оны 12 дугаар сарын 09-нөөс 15-ны хооронд МУЭ-ийн ART GALLERY–д зохион байгуулагдахаар бэлтгэгдэж байна.

Тус үзэсгэлэнд зураачийн 2011 онд бүтээсэн монументалист уран зургууд, хүрэл уран барималууд, бэхэн зургууд зэрэг 30 гаруй шинэ бүтээлүүд оролцоно.

Зураач А.Чадраабал нь Монголын дүрслэх урлагт өөрийн гэсэн дүр төрх, арга барилтай бөгөөд тус үзэсгэлэнгээрээ эр хүний эр зориг, хүч чадал, өсөн дэвжихийн бэлгэдэлийг Монгол бухын дүрийг орчин үеийн урлагийн арга барилаар илэрхийлсэн байна.

Та бүхнийг хүрэлцэн ирж, таалан соёрхохыг урьж байна.

“ТАЛЫН ҮНЭР-3″

gallery — Mon, 21 Nov 2011 10:14:54 +0000

Үйлдвэр Урлалын Дээд сургуулийн багш, уран сийлбэрчин М.Уламбаярын “Талын үнэр-3” гурав дахь бие даасан үзэсгэлэн Монголын Уран Зургийн Галерейн 2-р дугаар танхимд 2011 оны 11-р сарын 22-ны 17 цагаас нээгдэнэ.
Энэхүү үзэсгэлэнд уран сийлбэр, интоляци буюу өрөг урлагийн нийт 40 орчим бүтээл тавигдсан бөгөөд монгол уран сийлбэрийн нарийн арга ажиллагааг уран сэтгэмж, дотоод ертөнцийн илэрхийллийг өвөрмөц шийдэлээр орон зайд харуулахын сацуу үндэсний уламжлалт хэв шинжийг орчин үеийн шинэлэг тал, чиг хандлагатай уялдуулан хослуулж, тал нутгийн нүүдэлчдийн үнэрийг нэвт шингээхийг зорьсон.
М.Уламбаярын “Домог”, “Аялгуу”, “Нүүдэл” зэрэг бүтээлүүд нь зохиомж, сэтгэлгээний уран хэллэгтэй, уран сийлбэрийн нарийн ур, оносон шийдэлтэйн дээр үзэгч олны оюуны таашаалд нийцэх болно.
Үзэсгэлэн: 2011.11.21-2011.11.25
Холбоо барих: 96659104, 99176225

Шинжлэх Ухаан-90 үзэсгэлэн

gallery — Fri, 18 Nov 2011 07:09:16 +0000

Монгол Улсад орчин үеийн шинжлэх ухааны байгууллага үүсч хөгжсөний 90 жил, Шинжлэх ухааны Академи байгуулагдсаны 50 жилийн ойг тохиолдуулан БСШУЯ, ШУТС, ШУА-иас “Шинжлэх ухаан – 90” үзэсгэлэнг 2011 оны 11 дүгээр сарын 21-нээс 24-ний өдрүүдэд Уран зургийн галерейн зааланд зохион байгуулах гэж байна.

Монголын шинжлэх ухаан улс, эх орны бүхий л салбарт идэвхтэй үйл ажиллагаагаа явуулж, улс орныхоо нийгэм, эдийн засгийн хөгжлийг түргэтгэх, хөгжлийн тулгамдсан асуудлыг шийдвэрлэхэд өөрийн хувь нэмрээ оруулж чадахуйц орчин цагийн бие даасан шинжлэх ухаан, технологийн тогтолцоо болтлоо өсч хөгжлөө.

Манай эрдэмтэн судлаачид өнгөрсөн 90 жилд Монгол улсын Шинжлэх ухаан, технологийн үндэсний чадамжийг нэмэгдүүлэх, улс орны нийгэм, эдийн засгийн тогтвортой хөгжлийг хангахад эрдэм шинжилгээ, судалгааны ажлыг чиглүүлэн, шинжлэх ухааны боловсролыг бүх нийтэд түгээн дэлгэрүүлэх Монголын шинжлэх ухаан, технологийн хөгжлийн түвшин, царааг дэлхийн жишигт хүргэх үйлсэд зүтгэл гарган ажиллаж ирсэн.

ШУА-ийн эрдэмтэд, судлаачид өөрийн орны түүх, соёл, эх хэлний судалгааг өргөн хүрээнд амжилттай явуулж эрдэс баялгийн шинэ ордуудыг нээх, хөдөө аж ахуй, анагаахын шинжлэх ухааны салбарт малын шинэ үүлдрүүд бий болгох, хүн малын халдварт өвчнөөс урьдчилан сэргийлэх, хамгаалах олон төрлийн эм бэлдмэл бий болгох, техник технологийн салбарт шинэ шинэчилсэн технологи боловсруулах зэрэг ажлыг амжилттай хийж эдийн засгийн салбарт нэвтрүүлсэн байна.

Анх тэртээ 1921 онд Судар бичгийн хүрээлэн байгуулагдаж байсан тэр үеээс хойш шинжлэх ухааны салбарынхан 1961 онд Шинжлэх ухааны академи болон өргөжиж, өдгөө олон чиглэлээр судалгаа явуулдаг орчин үеийн эрдэм шинжилгээний хүрээлэн, төв, лабораториуд бий болж, эрдэм шинжилгээ судалгааны 70 гаруй байгууллагад ажилладаг 2500 гаруй эрдэмтэн судлаачидтай, болон хүрээгээ тэлжээ.

Уг үзэсгэлэн нь салбарын түүх, хөгжлийн өнөөгийн түвшин, үйл ажиллагааг олон нийтэд хүргэх зорилгоор зохион байгуулагдаж байгаа бөгөөд орчин үеийн шинжлэх ухааны салбарын онцлох үйл явдал, шинжлэх ухааны нээлт, ололтуудыг тусган харуулсан.

Мөн Шинжлэх ухааны академийн ууган хүрээлэнгийн нэг болох Хэл зохиолын хүрээлэнгээс түүхэн ойнг тэмдэглэх арга хэмжээний хүрээнд өөрийн хүрээлэнгийн эрдэмтэн, мэргэдийн туурвисан “Мянган номын баяр”-ыг хийнэ.

Үзэсгэлэнд салбарын түүхийг 1921 оноос хойш 5, 5 жилээр хуваан, тухайн үед гарсан шинжлэх ухааны томоохон нээлтүүд, ололт амжилтуудыг дэлгэрэнгүй танилцуулан, эрдэмтдийн гарсан олон зуун бүтээл бүтээл, туурвил, хийгдсэн ажлуудыг дэлгэн харуулсанаараа тун онцлог болсон.

Үзэсгэлэн Уран зургийн галерейн зааланд 2011 оны 11 дүгээр сарын 21-нээс 24-ний өдрүүдэд 10:00-17:00 цагуудад үргэлжилнэ.

Боловсрол, соёл, шинжлэх ухааны яам

Шинжлэх ухаан, технологийн сан

Шинжлэх ухааны академи