Монголын Уран Зургийн Галерей » Үзэсгэлэн

БУЙ ГАЛ

gallery — Fri, 16 Dec 2011 07:41:10 +0000

УРИЛГА

Өвөг дээдсээс өвлөгдөн ирсэн байгаль дэлхий, газар шороо маань сүүлийн жилүүдэд өөрчлөгдөн доройтож, гол горхийн тоо цөөрсөөр байгаа нь хүн болоод амьд бүхэнд айдас төрүүлмээр….

Иймээс залуу уран бүтээлчид бид “БУЙ ГАЛ” үзэсгэлэнд байгаль дэлхийгээ гэсэн сэтгэлээр нэгдэж , энэхүү сэдэв хэрхэн хурцдаж буйг мөн байгаль эх дэлхийнхээ хайр хишгийг хэрхэн зөв зохистой хүртэх талаар олон нийттэй хуваалцах юм.

Та энэхүү үзэсгэлэнд хүрэлцэн ирснээр байгалиа хамгаалъя гэсэн үгийн үнэ цэнийг бодитоор мэдэрч, 13 уран бүтээлчийн 13 өөр ертөнцийг харах боломжтой.
Үзэсгэлэн Монголын Уран Зургийн Галерейд 2011.12.19-ны 16 цагаас нээгдэнэ.

2011 оны шилдэг бүтээлүүд

gallery — Thu, 15 Dec 2011 08:40:20 +0000

Дүрслэх урлагийн шилдэг бүтээлийг улсын сан хөмрөгт худалдан авдаг “ОНЫ ШИЛДЭГ БҮТЭЭЛ-2011” үзэсгэлэн Монголын Уран Зургийн Галерейд 2011 оны 11 дүгээр сарын 30-аас 12 дугаар сарын 07-ыг дуустал үргэлжилсэн. Энэхүү үзэсгэлэнд 111 уран бүтээлчийн 155 ширхэг бүтээл оролцсоноос 14 уран бүтээлчийн 14 бүтээл шалгарлаа.

1 Лувсандоржын БАВУУДОРЖ-ЭР БОР ХАРЦАГА
2 Батаахүүгийн ГАНБААТАР – АРВАН НАЙМАН НАС
3 Оршихын ДАРАМБАЗАР – ТЭНГЭР МЭДНЭ /ГУРВАЛ/
4 Даваагийн ДОРЖГОТОВ – ЦОНХ /ГУРВАЛ/
5 ЭнхбатынЛХАГВАДОРЖ – НЭРГҮЙДЭЛ
6 Самбуугийн МАШБАТ – УЛААН БҮЖИГ
7 Банзрагчын ОРХОНТУУЛ – АМЬ
8 Аюурзанын ОЧИРБОЛД – УЛААН ХУЙ
9 Загдын ӨСӨХБАЯР – АЯЛГУУ
10 Дарьсүрэнгийн САНЧИР – ХУУЧИН ҮГС
11 Цэгмидийн ТАМИР – ТЭНГЭРЭЭС СОЁРХСОН БОСОО БИЧИГ МИНУ…
12 Жанлавын ЦОЛМОНХҮҮ – НҮҮДЭЛЧИН
13 Адъяабазарын ЧАДРААБАЛ – ХАР БУХЫН БАЛГАСЫН ОЛДВОР БИЧМЭЛ
14 Очирбатын ЭНХТАЙВАН – ХҮН

“Монгол Улсын гадаад харилцаа 1911-2011″

gallery — Wed, 14 Dec 2011 09:43:51 +0000

УРИЛГА

Эрхэм хүндэт Таныг

Монгол Улсын орчин үеийн дипломат албаны 100 жилийн ойд зориулсан “Монгол Улсын гадаад харилцаа 1911-2011” гэрэл зургийн үзэсгэлэнгийн нээлтэд хүрэлцэн ирэхийг урьж байна.

Үзэсгэлэнгийн нээлт 2011 оны 12 дугаар сарын 19-ний Даваа гарагийн 12.00 цагт Уран зургийн галерейд болно.

Гадаад харилцааны яам

Энэ оны шилдэг бүтээлийн үзэсгэлэн

gallery — Tue, 29 Nov 2011 03:11:18 +0000

2011 оны шилдэг бүтээл шалгаруулах үзэсгэлэн энэ оны 11 сарын 30-ны 17 цагт нээлтээ хийлээ.

Монголын Уран Зургийн Галерейн 20 жилийн ойн нэрэмжит дүрслэх урлагийн шилдэг бүтээлийг улсын сан хөмрөгт худалдан авах үзэсгэлэнг зохион байгуулах гэж байна.Оны шилдэг бүтээл шалгаруулах үзэсгэлэн 2011 оны 11-р сарын 30-наас 12-р сарын 07 хүртэл тус Галерейн үзэсгэлэнгийн танхимд зохион байгуулагдлаа.

Үзэсгэлэнд оролцох бүтээлүүдийг 2011 оны 11 сарын 24, 25-ний өдрүүдэд бүртгэж авсан ба нийт 120-оод уран бүтээлчийн 150 гаруй уран бүтээл хүрэлцэн ирсэн байна.

Үзэсгэлэнд үе үеийн уран бүтээлчид шилдэг гэсэн 1-ээс 2 бүтээл оролцуулж байгаа ба та үзэсгэлэнгээс орчин үеийн уран зураг, уран баримал, уран сийлбэр, зураасан зураг, монгол зураг, монгол уран бичлэгийн шилдэг бүтээлийг үзэх боломжтой.

Утас: 11-331687, 11-327177

“БУХ БА БУХНУУД” бие даасан үзэсгэлэн

gallery — Mon, 28 Nov 2011 05:31:26 +0000

Хүннү гүрний 2220, Их монгол улс байгуулагдсаны 805, Үндэсний эрх чөлөөний 100, Ардын хувьсгалын 90 жилийн ойд зориулсан МУЗГалерейн захирал, МУЭ-ийн шагналт зураач А.Чадраабалын “БУХ ба БУХДУУД” бие даасан үзэсгэлэн 2011 оны 12 дугаар сарын 09-нөөс 15-ны хооронд МУЭ-ийн ART GALLERY–д зохион байгуулагдахаар бэлтгэгдэж байна.

Тус үзэсгэлэнд зураачийн 2011 онд бүтээсэн монументалист уран зургууд, хүрэл уран барималууд, бэхэн зургууд зэрэг 30 гаруй шинэ бүтээлүүд оролцоно.

Зураач А.Чадраабал нь Монголын дүрслэх урлагт өөрийн гэсэн дүр төрх, арга барилтай бөгөөд тус үзэсгэлэнгээрээ эр хүний эр зориг, хүч чадал, өсөн дэвжихийн бэлгэдэлийг Монгол бухын дүрийг орчин үеийн урлагийн арга барилаар илэрхийлсэн байна.

Та бүхнийг хүрэлцэн ирж, таалан соёрхохыг урьж байна.

“ТАЛЫН ҮНЭР-3″

gallery — Mon, 21 Nov 2011 10:14:54 +0000

Үйлдвэр Урлалын Дээд сургуулийн багш, уран сийлбэрчин М.Уламбаярын “Талын үнэр-3” гурав дахь бие даасан үзэсгэлэн Монголын Уран Зургийн Галерейн 2-р дугаар танхимд 2011 оны 11-р сарын 22-ны 17 цагаас нээгдэнэ.
Энэхүү үзэсгэлэнд уран сийлбэр, интоляци буюу өрөг урлагийн нийт 40 орчим бүтээл тавигдсан бөгөөд монгол уран сийлбэрийн нарийн арга ажиллагааг уран сэтгэмж, дотоод ертөнцийн илэрхийллийг өвөрмөц шийдэлээр орон зайд харуулахын сацуу үндэсний уламжлалт хэв шинжийг орчин үеийн шинэлэг тал, чиг хандлагатай уялдуулан хослуулж, тал нутгийн нүүдэлчдийн үнэрийг нэвт шингээхийг зорьсон.
М.Уламбаярын “Домог”, “Аялгуу”, “Нүүдэл” зэрэг бүтээлүүд нь зохиомж, сэтгэлгээний уран хэллэгтэй, уран сийлбэрийн нарийн ур, оносон шийдэлтэйн дээр үзэгч олны оюуны таашаалд нийцэх болно.
Үзэсгэлэн: 2011.11.21-2011.11.25
Холбоо барих: 96659104, 99176225

Шинжлэх Ухаан-90 үзэсгэлэн

gallery — Fri, 18 Nov 2011 07:09:16 +0000

Монгол Улсад орчин үеийн шинжлэх ухааны байгууллага үүсч хөгжсөний 90 жил, Шинжлэх ухааны Академи байгуулагдсаны 50 жилийн ойг тохиолдуулан БСШУЯ, ШУТС, ШУА-иас “Шинжлэх ухаан – 90” үзэсгэлэнг 2011 оны 11 дүгээр сарын 21-нээс 24-ний өдрүүдэд Уран зургийн галерейн зааланд зохион байгуулах гэж байна.

Монголын шинжлэх ухаан улс, эх орны бүхий л салбарт идэвхтэй үйл ажиллагаагаа явуулж, улс орныхоо нийгэм, эдийн засгийн хөгжлийг түргэтгэх, хөгжлийн тулгамдсан асуудлыг шийдвэрлэхэд өөрийн хувь нэмрээ оруулж чадахуйц орчин цагийн бие даасан шинжлэх ухаан, технологийн тогтолцоо болтлоо өсч хөгжлөө.

Манай эрдэмтэн судлаачид өнгөрсөн 90 жилд Монгол улсын Шинжлэх ухаан, технологийн үндэсний чадамжийг нэмэгдүүлэх, улс орны нийгэм, эдийн засгийн тогтвортой хөгжлийг хангахад эрдэм шинжилгээ, судалгааны ажлыг чиглүүлэн, шинжлэх ухааны боловсролыг бүх нийтэд түгээн дэлгэрүүлэх Монголын шинжлэх ухаан, технологийн хөгжлийн түвшин, царааг дэлхийн жишигт хүргэх үйлсэд зүтгэл гарган ажиллаж ирсэн.

ШУА-ийн эрдэмтэд, судлаачид өөрийн орны түүх, соёл, эх хэлний судалгааг өргөн хүрээнд амжилттай явуулж эрдэс баялгийн шинэ ордуудыг нээх, хөдөө аж ахуй, анагаахын шинжлэх ухааны салбарт малын шинэ үүлдрүүд бий болгох, хүн малын халдварт өвчнөөс урьдчилан сэргийлэх, хамгаалах олон төрлийн эм бэлдмэл бий болгох, техник технологийн салбарт шинэ шинэчилсэн технологи боловсруулах зэрэг ажлыг амжилттай хийж эдийн засгийн салбарт нэвтрүүлсэн байна.

Анх тэртээ 1921 онд Судар бичгийн хүрээлэн байгуулагдаж байсан тэр үеээс хойш шинжлэх ухааны салбарынхан 1961 онд Шинжлэх ухааны академи болон өргөжиж, өдгөө олон чиглэлээр судалгаа явуулдаг орчин үеийн эрдэм шинжилгээний хүрээлэн, төв, лабораториуд бий болж, эрдэм шинжилгээ судалгааны 70 гаруй байгууллагад ажилладаг 2500 гаруй эрдэмтэн судлаачидтай, болон хүрээгээ тэлжээ.

Уг үзэсгэлэн нь салбарын түүх, хөгжлийн өнөөгийн түвшин, үйл ажиллагааг олон нийтэд хүргэх зорилгоор зохион байгуулагдаж байгаа бөгөөд орчин үеийн шинжлэх ухааны салбарын онцлох үйл явдал, шинжлэх ухааны нээлт, ололтуудыг тусган харуулсан.

Мөн Шинжлэх ухааны академийн ууган хүрээлэнгийн нэг болох Хэл зохиолын хүрээлэнгээс түүхэн ойнг тэмдэглэх арга хэмжээний хүрээнд өөрийн хүрээлэнгийн эрдэмтэн, мэргэдийн туурвисан “Мянган номын баяр”-ыг хийнэ.

Үзэсгэлэнд салбарын түүхийг 1921 оноос хойш 5, 5 жилээр хуваан, тухайн үед гарсан шинжлэх ухааны томоохон нээлтүүд, ололт амжилтуудыг дэлгэрэнгүй танилцуулан, эрдэмтдийн гарсан олон зуун бүтээл бүтээл, туурвил, хийгдсэн ажлуудыг дэлгэн харуулсанаараа тун онцлог болсон.

Үзэсгэлэн Уран зургийн галерейн зааланд 2011 оны 11 дүгээр сарын 21-нээс 24-ний өдрүүдэд 10:00-17:00 цагуудад үргэлжилнэ.

Боловсрол, соёл, шинжлэх ухааны яам

Шинжлэх ухаан, технологийн сан

Шинжлэх ухааны академи

Хосгүй үзмэрт Мөнх тэнгэрийн бичиг үзэсгэлэн

gallery — Thu, 10 Nov 2011 08:39:15 +0000

Үндэсний монгол бичгээ сэргээн хэрэглэх төрийн бодлогын хэрэгжилтийг идэвхжүүлэх зорилгоор Монгол Улсын Ерөнхийлөгч Ц.Элбэгдорж 2010 онд нэгэн зарлиг гаргасан юм. Энэ зарлигийг 2011 оны долдугаар сарын 1-нээс хэрэгжүүлж, гадаад орнуудад илгээж буй төрийн бичиг захидал, мөн төрсний болон гэрлэлтийн гэрчилгээ, бүх шатны боловсролын үнэмлэх, дипломыг монгол бичгээр давхар үйлдэх ажил эхэлсэн.

Энэ зарлигийн хэрэгжилтийн хүрээнд үндэсний бичгийн үнэ цэнэ, ач холбогдлыг олон нийтэд сурталчлах, танин мэдүүлэх үүднээс Ерөнхийлөгчийн Тамгын газар нэгэн ховор үзмэрт үзэсгэлэн тун удахгүй нээх гэж байна.

Монголын тулгар төрийн 2220, Их Монгол Улс байгуулагдсаны 805, тусгаар тогтнолоо сэргээсэн Үндэсний эрх чөлөөний хувьсгалын 100 жилийн ойд зориулан Монгол Улсын Ерөнхийлөгчийн санаачилгаар толилуулах гэж буй “Мөнх тэнгэрийн бичиг” хэмээх уг уран бичлэгийн үзэсгэлэнг энэ сарын 16-20-нд уран зургийн галерейд зохион байгуулна.

Үзэсгэлэнд Монголын соёлын хосгүй үнэт өв уламжлал монгол босоо бичгийн гайхамшгийг харуулсан төдийгүй эртний түүхт төр улсынхаа хаадын монгол бичгээр үйлдсэн захидал, тэдний хэрэглэж байсан тамгын дардасны болон Алтан товч, Эрдэнийн товч зэрэг бүтээлийн бичвэрүүд, хаад ноёдын угийн бичиг гэхчлэн олон үзмэрийг дэлгэн тавихаар зэхэж байна. Тухайлбал, Монгол Улсын Ерөнхийлөгч Цахиагийн Элбэгдоржид Бүгд Найрамдах Итали Улсад айлчлах үеэр нь Ватиканы архиваас өгсөн Монголын түүхийн зарим чухал сурвалж бичгүүдийн хуулбарыг анх удаа олон нийтэд үзүүлэх юм.

Тус архивт Монголын Эзэнт гүрний Их хаан Гүюгээс 1246 онд Ромын Пап IV Инносентэд илгээсэн захидал, Ил-хан Абагын “Үг мину” зарлиг \1267 эсвэл 1279 он\, 1290 онд Ил-хан Аргунаас Ромын Пап IV Николаст илгээсэн захидал, мөн 1302 онд Ил-хан Газанаас Ромын Пап VIII Бонифаст илгээсэн захидал эх хувиараа байдаг аж. Монголын хаадын Ромын Папуудад илгээж байсан олон зуун жил хадгалагдсан захидлуудыг Ватиканы нууц архивынхан өөрсдөө 1920 онд л олж мэдсэн байна.

“МӨНХ ТЭНГЭРИЙН БИЧИГ” үзэсгэлэн

gallery — Thu, 10 Nov 2011 06:11:18 +0000

Монгол Улсын Ерөнхийлөгчийн санаачилгаар

Монголын тулгар төрийн 2220 жилийн ой болоод түүхэн их ойн жилүүдэд зориулан

МӨНХ ТЭНГЭРИЙН БИЧИГ

Уран бичлэгийн үзэсгэлэн зохион байгуулагдах гэж байна.

Монгол соёлын өв их уламжлал, төрт ёсны бахархал болсон

Монгол уран бичлэгийн хосгүй гайхамшгийг дэлхий дахинаа дуурсгаж буй

Найман шилдэг уран бичлэгтэн энэхүү үзэсгэлэнгээр Та бүхэнд босоо бичгийн гайхамшгийг толилуулах болно.

Үзэсгэлэн 2011 оны 11 дүгээр сарын 16-19-ны өдрүүдэд Монголын Уран Зургийн Галерейд зохион байгуулагдана.

Зохион байгуулагч:

МОНГОЛ УЛСЫН ЕРӨНХИЙЛӨГЧИЙН ТАМГЫН ГАЗАР

“Миний төсөөлж буй Монголын ирээдүй” сэдэвт ил захидал, мэндчилгээний зургийн уралдаан

gallery — Thu, 10 Nov 2011 02:53:44 +0000

Уралдааны зорилго: Ерөнхий боловсролын дунд сургуулийн сурагчдын дүрслэх урлагийн боловсролыг дэмжих, өөрсдийн төсөөлж буй сайхан ирээдүйн тухай санаа бодлоо чөлөөтэй дүрсэлж олон нийтэд таниулах, өөрсдийн бүтээлээр дүрслэх урлагийн уралдаанд амжилт гаргах ижил боломжийг бүрдүүлэхэд оршино.

Уралдааныг санаачлан зохион байгуулагч: Монголын Уран Зургийн Галерей, Ай Трейд ХХК Үнэт Цаасны Брокер дилерын компани, АМЕ Даатгалын Зуучлагч компани, Яамато Ресторан, Юу Эм Кэй Авто салон, NTV телевиз, АБТС ББСБ, БИГ Лайн студи байгууллагууд.

Уралдаанд хэрхэн оролцох, шагналт байр шалгаруулах насны ангилал:

Eрөнхий боловсролын дунд сургуулийн 1-11 ангийн нийт сурагчид оролцох боломжтой.

Уралдаан 2 шаттай явагдах бөгөөд эхний шатнаас дараах насны ангилал тус бүрт 3 бүтээлийг шалгаруулна.

• 9-11 дүгээр анги

o I байр: өргөмжлөл, 100,000 төгрөг, галерейд зохион байгуулагдах үзэсгэлэнг бүтэн жилийн турш үнэгүй үзэх эрхийн бичиг,

o II байр: өргөмжлөл, 80,000 төгрөг, галерейд зохион байгуулагдах үзэсгэлэнг хагас жилийн турш үнэгүй үзэх эрхийн бичиг

o III байр: өргөмжлөл, 80,000 төгрөг, галерейд зохион байгуулагдах үзэсгэлэнг 3 сарын турш үнэгүй үзэх эрхийн бичиг

• 5-8 дугаар анги

o II байр: өргөмжлөл, 80,000 төгрөг, галерейд зохион байгуулагдах үзэсгэлэнг хагас жилийн турш үнэгүй үзэх эрхийн бичиг,

o III байр: өргөмжлөл, 80,000 төгрөг, галерейд зохион байгуулагдах үзэсгэлэнг 3 сарын турш үнэгүй үзэх эрхийн бичиг,

• 1-4 дүгээр анги

2-р шатны шалгаруулалт:

Эхний шалгаруулалтаас шалгарсан 9 оролцогчдоос шилдгийн шилдэг 3 оролцогчийг нээлтийн үйл ажиллагаан дээр шалгаруулна.

Нийт оролцогчдийн бүтээлээр 12 сарын 08-наас 12 сарын 10-ны өдрүүдэд Уран Зургийн Галерейд үзэсгэлэн зохион байгуулах ба оролцогчдоос 5 азтан тодруулна.

Бүтээлд тавигдах шаардлага:

• Бүтээл нь “Миний төсөөлж буй Монголын ирээдүй” сэдвийн хүрээнд хамаарч байх

• Бүтээл нь ил захидал, мэндчилгээний загварт нийцсэн бүтээл байх

• Бүтээл нь уралдаанд оролцогчийн өөрийн зурсан бүтээл байх

• Бүтээл нь А5 (14,8х21см), А6 (10,5х14,8см) хэмжээтэй байх

• Бүтээл нь уран зургийн ямар ч хэрэгсэл материалаар зурагдсан байж болно.

• Бүтээл нь эх хувиараа байх бөгөөд хуулбарласан, фото зураг, сэтгүүлийн хайчилбар ашиглаж наасан бүтээлийг хүлээн авахгүй.

• Бүтээлийг шалгаруулахдаа уран сайхны чадвар болон уралдааны сэдэв, агуулгыг харуулсан байдлыг гол үзүүлэлт болгоно.

• Уралдаанд оролцогч нь өөрийн овог нэр, бүтээлийн нэр, сургууль, анги болон утасны дугаараа бүтээлийн ард гаргацтай зөв бичсэн байна.

Жич:

• Уралдаанд оролцсон бүтээлүүдийг буцаан олгохгүй болно.

Бүтээл хүлээн авах хугацаа:

2011.11.28-наас 2011.12.02-ны өдрүүдэд 09:00-17:00 цагийн хооронд Монголын Уран Зургийн Галерейн Урлагийн Боловсролын Төвд хүлээн авна.

Хаяг: Монголын уран Зургийн Галерей

Соёлын Төв Өргөө “Б” корпус

Сүхбаатарын талбай-3

Сүхбаатар дүүрэг, Улаанбаатар хот

Утас: 11-327177, 9585-5454

Факс: +976-11-331687