Монголын Уран Зургийн Галерей » Урлагийн боловсрол

“Миний төсөөлж буй Монголын ирээдүй” сэдэвт ил захидал, мэндчилгээний зургийн уралдаан

gallery — Thu, 10 Nov 2011 02:53:44 +0000

Уралдааны зорилго: Ерөнхий боловсролын дунд сургуулийн сурагчдын дүрслэх урлагийн боловсролыг дэмжих, өөрсдийн төсөөлж буй сайхан ирээдүйн тухай санаа бодлоо чөлөөтэй дүрсэлж олон нийтэд таниулах, өөрсдийн бүтээлээр дүрслэх урлагийн уралдаанд амжилт гаргах ижил боломжийг бүрдүүлэхэд оршино.

Уралдааныг санаачлан зохион байгуулагч: Монголын Уран Зургийн Галерей, Ай Трейд ХХК Үнэт Цаасны Брокер дилерын компани, АМЕ Даатгалын Зуучлагч компани, Яамато Ресторан, Юу Эм Кэй Авто салон, NTV телевиз, АБТС ББСБ, БИГ Лайн студи байгууллагууд.

Уралдаанд хэрхэн оролцох, шагналт байр шалгаруулах насны ангилал:

Eрөнхий боловсролын дунд сургуулийн 1-11 ангийн нийт сурагчид оролцох боломжтой.

Уралдаан 2 шаттай явагдах бөгөөд эхний шатнаас дараах насны ангилал тус бүрт 3 бүтээлийг шалгаруулна.

• 9-11 дүгээр анги

o I байр: өргөмжлөл, 100,000 төгрөг, галерейд зохион байгуулагдах үзэсгэлэнг бүтэн жилийн турш үнэгүй үзэх эрхийн бичиг,

o II байр: өргөмжлөл, 80,000 төгрөг, галерейд зохион байгуулагдах үзэсгэлэнг хагас жилийн турш үнэгүй үзэх эрхийн бичиг

o III байр: өргөмжлөл, 80,000 төгрөг, галерейд зохион байгуулагдах үзэсгэлэнг 3 сарын турш үнэгүй үзэх эрхийн бичиг

• 5-8 дугаар анги

o II байр: өргөмжлөл, 80,000 төгрөг, галерейд зохион байгуулагдах үзэсгэлэнг хагас жилийн турш үнэгүй үзэх эрхийн бичиг,

o III байр: өргөмжлөл, 80,000 төгрөг, галерейд зохион байгуулагдах үзэсгэлэнг 3 сарын турш үнэгүй үзэх эрхийн бичиг,

• 1-4 дүгээр анги

2-р шатны шалгаруулалт:

Эхний шалгаруулалтаас шалгарсан 9 оролцогчдоос шилдгийн шилдэг 3 оролцогчийг нээлтийн үйл ажиллагаан дээр шалгаруулна.

Нийт оролцогчдийн бүтээлээр 12 сарын 08-наас 12 сарын 10-ны өдрүүдэд Уран Зургийн Галерейд үзэсгэлэн зохион байгуулах ба оролцогчдоос 5 азтан тодруулна.

Бүтээлд тавигдах шаардлага:

• Бүтээл нь “Миний төсөөлж буй Монголын ирээдүй” сэдвийн хүрээнд хамаарч байх

• Бүтээл нь ил захидал, мэндчилгээний загварт нийцсэн бүтээл байх

• Бүтээл нь уралдаанд оролцогчийн өөрийн зурсан бүтээл байх

• Бүтээл нь А5 (14,8х21см), А6 (10,5х14,8см) хэмжээтэй байх

• Бүтээл нь уран зургийн ямар ч хэрэгсэл материалаар зурагдсан байж болно.

• Бүтээл нь эх хувиараа байх бөгөөд хуулбарласан, фото зураг, сэтгүүлийн хайчилбар ашиглаж наасан бүтээлийг хүлээн авахгүй.

• Бүтээлийг шалгаруулахдаа уран сайхны чадвар болон уралдааны сэдэв, агуулгыг харуулсан байдлыг гол үзүүлэлт болгоно.

• Уралдаанд оролцогч нь өөрийн овог нэр, бүтээлийн нэр, сургууль, анги болон утасны дугаараа бүтээлийн ард гаргацтай зөв бичсэн байна.

Жич:

• Уралдаанд оролцсон бүтээлүүдийг буцаан олгохгүй болно.

Бүтээл хүлээн авах хугацаа:

2011.11.28-наас 2011.12.02-ны өдрүүдэд 09:00-17:00 цагийн хооронд Монголын Уран Зургийн Галерейн Урлагийн Боловсролын Төвд хүлээн авна.

Хаяг: Монголын уран Зургийн Галерей

Соёлын Төв Өргөө “Б” корпус

Сүхбаатарын талбай-3

Сүхбаатар дүүрэг, Улаанбаатар хот

Утас: 11-327177, 9585-5454

Факс: +976-11-331687

Урлагийн боловсролын төв энэ намрын шинэ элсэлтээ авч эxэллээ.

gallery — Thu, 20 Oct 2011 08:15:18 +0000

Та xэдэн ч настай ямар ч мэргэжилтэй байж болно. Гагцхүү өөрийн дотоод ертөнцийг нээн илрүүлж, урлагийн боловсрол олж аваx, чөлөөт цагаа үр бүтээлтэй өнгөрүүлж алжаалаа тайлаx боломжийг бид танд бүрдүүлж өгнө.

Та бүxэн өөрийн сонирxсон уран зургийн төрлүүдээс сонгон сургалтанд xамрагдаx боломжтой.

Манай төв нь сургалт явуулаxад шаардлагатай дүрслэx урлагийн материал (молберт, цаас, xарандаа, бийр будаг) болон тоxитой анги танxимаар xанган сургалтаа явуулаxаас гадна галерейд тавигдсан бүтээлүүдээс судалгаа xийx боломжтой. Xичээлийг мэргэжлийн багш нар тусгайлан бэлтгэсэн xөтөлбөрийн дагуу удирдан явуулаx болно.
Манай төвийн сургалтанд даxин xамрагдаx xусэлтэй, xамрагдаxыг xүсэж байгаа та буxнийг урьж байна.
Манай xөтөлбөрийн талаар илүү дэлгэрэнгүй мэдээлэл аваxыг xүсвэл Монголын Уран Зургийн Галерейн Урлагийн Боловсролын төвтэй xолбогдоно уу.

Урлагийн боловсролын төвийн мэргэжилтэн Н.Баасандорж
Утас: 9585-5454
Имэйл: n.gamma@yahоо.cом
Цахим хуудас: http://www.art-gallery.mn/

Чойбалсангийн нэрэмжит Төрийн Шагналт, Ардын зураач Үржингийн Ядамсүрэнгийн намтар, уран бүтээл

gallery — Sun, 01 May 2011 08:40:42 +0000

Монголын орчин үеийн дүрслэх урлагийг үндэслэгчдийн нэг Монгол Улсын Ардын зураач, Төрийн соёрхолт Үржингийн Ядамсүрэн нь 1905 онд Сэцэн хан аймгийн Түмэндэлгэр сумын “Улаан нүдэн” гэдэг газар төржээ. Өвөг эцэг Үржин нь арван засгийн “заан” цолтой бөх хүн байснаас гадна модон эдлэл,тэрэг уналга хийдэг, сийлбэрээр оролддог гарын уртай нэгэн байсан нь бяцхан ач хүүд нь нөлөөлсөн нь дамжиггүй. Ядамсүрэн 5 наснаас эхлэн авга ах Чойдаш лам болон багш Агваандорж лам нараар төвд хэл заалгаж байжээ. 13нас хүрэхэд нь эх нь хүүгээ Чойдаш ламд шавь оруулах хүсэлт гарган хандахад ах лам Чойдаш нь хүлээн авснаар урлах ухаан,сийлэх арга барил, бурхан зурах ухаанд суралцан ламын хажууд шавилан суух амьдрал нь эхэлсэн гэдэг. 1930 онд Улаанбаатар хотод ирээд Гэгээрлийн Яамны харъяа бэлтгэл сургуульд орж суралцаад хэвлэх үйлдвэрт латин үсгийн өрөгчөөр ажиллаж байжээ. 1934-1937 онд Москва хотын Дорно Дахины хөдөлмөрчдийн намын их сургуульд суралцан эх орондоо буцаж ирээд Шинжлэх ухааны хүрээлэнгийн газар зүйн тасагт ажиллаж байв. 1939 онд Москва хотод В.И.Суриковын нэрэмжит Уран Зургийн Дээд сургуульд суралцахаар явсан байна. Дэлхийн II дайн дэгдсэнээс тэрээр сургуулиа дүүргэх боломжгүй болжээ. 1942 оноос Ядамсүрэн ШУХ-ийн харъяа Хувьсгалын музейд ажиллаж байв. Энэ хугацаанд Д.Чойдог, О.Цэвэгжав нарын хамтаар Дүрслэх урлагийн газар байгуулах үйлсэд идэвхтэй оролцож зураачдын дугуйланг явуулж байв. Тус дугуйланд /нэрт уран бүтээлчид болох /олон хүн суралцаж байснаас Л.Гаваа, Н.Цүлтэм, Гүрдорж, Л.Намхайцэрэн, Л.Ванган, Цэнд-Аюуш, Б.Чогсом зэрэг хожим нэрт уран бүтээлч, зураачид болсон хүмүүс байлаа. Мөн лам нарын артелиас Манибадар, Жамба гэх мэт улс суралцаж байсан байна. 1945 оноос Дүрслэх урлагийн газар байгуулагдсанаар зураачаар орж 1986 он хүртэл ажиллаж уран бүтээлээ туурвиж байв. ”Ү.Ядамсүрэн нь Монголын эртний урлаг соёлыг цуглуулагч, цогцлуулан бүтээгч, өрнөдийн уран зургийн соёлыг дэлгэрүүлэгчдийн гурван гавъяат” гэж Д.Сандагдорж гуай 1991 онд “Зохист аялгуу” сонинд бичиж байсан билээ.

Ү.Ядамсүрэнгийн бүтээлийг 2 үе болгон хувааж болно.

1.1940-1960-аад он-тосон будгаар дагнан ажиллаж байсан.

2.1960-аад оноос хойшхи үе-монгол зургийн аргаар урлан бүтээж байжээ.

Түүний уран бүтээлд хөрөг зураг чухал байр суурь эзэлдэг. Түүний хөргүүдийн гол нийтлэг шинж нь хүний зан төрхийн онцлогийг харуулах явдал юм. Нөгөө талаар судалбар, таталбар хийж бүтээдэг онцлогтой, Европ сургуулийн барилаар ажиллаж байсан. Уран зураач маань “Монгол зураг”-аар дагнан туурвихдаа манай улсын угсаатны зүйн болон урлаг судлалын бүтээлүүдийг эмхэтгэсэн “Цам”, “Угсаатны хувцас”, “Ардын эдлэл хэрэглэл”, “үндэсний хувцас” цомгууд гаргаж байв. Уран зураачийн хувьд олон хөрөг бүтээснээс “Д.Сүхбаатарын хөрөг”, “С.Магсаржав”, “Малчин Дуламсүрэн”, “Их эмч Раднаабазар”, “Инжинааш”, “Доктор Ренчин”, “Эрдэмтэн Пагваа” гэх мэт болно. 1946 онд Ү.Ядамсүрэн “Д.Сүхбаатарын хөрөг” бүтээлээр БНМАУ-ын Төрийн шагнал хүртсэн. 1965 онд БНМАУ-ын Ардын Зураач цол, 1975 онд Сүхбаатарын одонгоор шагнагдаж байсан билээ. Зураачын уран бүтээлийн үзэсгэлэн 1955, 1965, 1975, 1985 онуудад Улаанбаатар хотноо 1976 онд ЗСБНАвтономит Буриад Улсын нийслэл Улаан-Үд хотод, 1982 онд Энэтхэг улсад зохион байгуулагдсан байна. Ядамсүрэн нь 1941 оноос уран бүтээлийн гараагаа эхэлж том, бага хэмжээний 50 гаруй хөрөг, түүх хувьсгал, аж байдал, байгаль зэрэг төрлөөр хэд хэдэн бүтээл хийснээс гадна ардын гар урлал, эдийн соёлтой холбогдсон 400 гаруй зураг зурсан байна.

Монголын Уран Зургийн Галерей, “Боловсрол суваг” телевизтэй хамтран Үржингийн Ядамсүрэнгийн уран бүтээлийн онцлог, түүний “Өвгөн хуурч” хэмээх бүтээлийг эрдэмтэн, урлаг судлаачдын өгсөн шүүмж түүхт судалгаа, мөн түүний зээ охин Я.Булганы өгсөн ярилцлагыг толилуулж байна.

Yadamsuren.U – Ovgon huurch 1 by mgl_3912

Yadamsuren.U – Ovgon huurch 2 by mgl_3912

Түүний бүтээсэн монгол зургийн бүтээлүүдийг үзэх бол: ЭНД ДАРНА УУ

Түүний тосон будгийн бүтээлүүдийг үзэх бол: ЭНД ДАРНА УУ

Та бидэнтэй санал сэтгэгдэл, бодлоо хуваалцана уу.

Чойбалсангийн нэрэмжит Төрийн Шагналт, Ардын Зураач Гэлэгийн Одонгийн намтар, уран бүтээл

gallery — Sun, 01 May 2011 02:47:13 +0000

Монголын орчин үеийн дүрслэх урлагийг үндэслэгчдийн нэг, шинэ нийгмийн бүтээн босголт, ард түмний ахуй амьдрал, хүн ардынхаа уран сайхны дүрийг чадамгай гаргадаг зураач бол Монгол Улсын Төрийн соёрхолт, Ардын зураач агсан Гэлэгийн Одон билээ.

Г.Одон нь 1925 онд Дорнод аймгийн Дашбалбар сумын нутагт төржээ. Тэрбээр 1942 оноос уран бүтээлийн гараагаа эхэлж Москва хотын Суриковын нэрэмжит Уран Зургийн Академи дүүргэж 1951 оноос ДУДуС-д багшилж байгаад 1958 онд УБДС-ийн дэргэд зураг-хөдөлмөрийн салбарыг үндэслэн байгуулж 1986 он хүртэл багшилж, мэргэжлийн зураачид, зураг хөдөлмөр, шугам зургийн багш нар олныг бэлтгэжээ. Г.Одон нь Монгол орныхоо бүх аймаг,сумуудын нутгаар аялан явж олон тооны судалбар зураг хийхийн хамт Монгол нутгийн үзэсгэлэнт сайхан байгаль, ард түмнийхээ түүх,аж байдлын сэдвийг голлон зурдаг байснаас гадна хөрөг зураг зурдаг байжээ. Зураач нийтдээ 200 гаруй уран бүтээл туурвиж, эх орныхоо дүрслэх урлагийн хөгжилд үнэтэй хувь нэмэр оруулсан юм.

Монголын Уран Зургийн Галерей, “Боловсрол суваг” телевизтэй хамтран Г.Одонгийн уран бүтээлийн онцлог, Ард түмний дунд “Ажлын дараа” хэмээх нэрээр мөнхлөгдөн үлдсэн бүтээлийг эрдэмтэн, урлаг судлаачдын өгсөн шүүмж түүхт судалгааг толилуулж байна.

Түүний бүтээлүүдийг үзэх бол ЭНД ДАРНА УУ
та бүхэн өөрсдийн санал, сэтгэгдэл, мэддэг зүйлсээ бидэнтэй хуваалцаарай.

Ж.Бат-Ундарын намтар, уран бүтээл

gallery — Thu, 17 Mar 2011 03:33:54 +0000

Намтар

Овог: Жаргалсайхан
Нэр: Бат-Ундар
Яс үндэс: Халх
Төрсөн он сар өдөр: 1986-10-04
Хүйс: эр
Төрсөн нутаг: Төв аймаг, Зуунмод сум.
Боловсрол: Дээд.
Мэргэжил: Зураач, Урлаг судлаач.

Эзэмшсэн боловсролын байдал:

- 1994-2004онд Төв аймгийн 10 жилийн “Хүмүүн цогцолбор” сургууль.
- 2005-2009 онд Монгол Улсын Боловсролийн Их Сургуулийн Дүрслэх урлаг судлалын ангийн анхны төгсөгч,
- 2009 онд Монгол Улсын Боловсролын Их Сургуулийн Урлаг судлалын магистрын зэргийг горилон суралцаж байгаа.

Ажил эрхлэлтийн байдал

- 2009 оны 6сарын18 МУБИС-ийн ДУТС- ийн Дүрслэх урлаг судлалын ангийг төгсөөд мөн оны 6сарын24нд Монголын Уран Зургийн Галерейд Эрдэм шинжилгээний ажилтанаар өнөөдрийг хүртэл ажиллаж байгаа билээ

Уран бүтээлийн үзэсгэлэнгүүд:

- Алтан бийр-2. МУЭ-ийн Арт галерей. УБ .2008 он.
- Залуу уран бүтээлчид-1. МУЗГалерей. УБ. 2009 он.
- Оны шилдэг бүтээл. МУЗГалерей. УБ. 2009 он.
- Залуу уран бүтээлчид-2. МУЗГалерей. УБ. 2010 он.
- Монголын тал нутаг. Солонгос Улс 2010 он
- Хавар. МУЭ-ийн Арт галерей. УБ. 2010 он.
- Сөүл миний нүдээр. Залуу уран бүтээлчидийн үзэсгэлэн уралдаан 2р байр МУЗГалерей. УБ. 2009 он
-Жалам хар. Залуу ран бүтээлчидийн үзэсгэлэн уралдаан 2р байр МУЗГалерей. УБ. 2010 он
- Оны шилдэг бүтээл. МУЗГалерей. УБ. 2010 он.

Уран бүтээлүүд:

А.Чадраабалын уран барималууд

gallery — Wed, 23 Feb 2011 06:28:25 +0000

А.Чадраабалын уран бичлэгүүд

gallery — Wed, 23 Feb 2011 06:26:39 +0000

А.Чадраабалын бух зохиомж

gallery — Wed, 23 Feb 2011 06:24:41 +0000

2011 оны бухын зохиомж бүтээлүүд:

А.Чадраабалын морь зохиомж

gallery — Wed, 23 Feb 2011 06:20:54 +0000

Хаврын ээлжит сургалт

gallery — Tue, 15 Feb 2011 09:05:32 +0000

Улирлын ээлжийн амралт болон зуны амралт, баяр ёслол, цаг агаарын хүйтэн байдал сурагчдын сургалтанд хамрагдахад нөлөөлдөг. Сурагчид урин дулаан цаг ирэхэд хөтөлбөрт дахин хамрагдах хүсэлтэй байгаагаа илэрхийлсэн. Түүнчлэн зарим сурагчид сарын хөтөлбөртөө хамрагдаж өөрсдийн авьяас чадвараа нэмэгдүүлсээр байна.